ÇAĞRI MƏRKƏZİNİN İNTELLEKTUAL İDARƏEDİLMƏSİ SİSTEMİ
Tanıtım Çarxını İzlə!

24/7

Çağrı mərkəzi üçün etibarlı proqram olan ProCALL sutkada 24 saat ərzində daxil olan zəngləri fasiləsiz və sapıntısız şəkildə emal etməyə imkan yaradır. Sizin üçün rahat olan iş rejimində zəng vurun və daxil olan zəngləri qəbul edin!

İDENTİFİKASİYA

Zəngedən haqqında məlumatın açıqlanması (eyniləşdirmə funksiyası) çağrı mərkəzi üçün müştəri loyallığının yüksəldilməsinə kömək edən ən mühüm alətlərdən biridir. Caller ID modulu telefon nömrəsinin köməyi ilə zəngedəni avtomatik «tanımağa» və onun haqqında məlumatları paneldə əks etdirməyə kömək edir.

ÜNVANLAMA

Auto Forward funksiyası daxil olan zəngin bir neçə uzun siqnaldan sonra müvafiq əməkdaşın (operator, məsləhətçi və s.) mobil nömrəsinə avtomatik surətdə ünvanlanmasını təmin edir. Beləliklə, heç bir müştərinin zəngi buraxılmır.

TƏHLÜKƏSİZLİK

Çağrı mərkəzinizin təhlükəsizliyi tamamilə təmin edilir: proqram yalnız parol daxil edildikdən sonra operator, inzibatçı və ya rəhbər tərəfindən açılır. Əməkdaşların istifadəçi hüquqları məhdudlaşdırmaq, yaxud onların bu və ya digər məlumatlara girişini təmin etmək mümkündür.

IVR SYSTEM

İnteraktiv səsli menyu modulu çərçivəsində: • zəng vuran şəxsin salamlanması funksiyasını sazlamaq; • zənglərin paylaşdırılması üçün qeyri-məhdud imkanlardan istifadə etmək; • təqdim edilmiş məlumatlarla qane olmayan abunəçiləri canlı operatora bağlamaq; • zəngedən üçün münasib ünsiyyət dilini seçmək; • abunəçilərin rəy, şikayət və təkliflərini qəbul etmək mümkündür.

SƏSLI MESAJLAR

Səsli müsajların yazılması funksiyası ilə abunəçilərin avtocavablandırıcıya səsləndirdiyi məlumatı yazıya alaraq sonradan dinləmək mümkündür. Səsli mesajlar yaddaşda saxlanacaq və zəruri hallarda mesajın tarixi və müddəti, göndərənin telefon nömrəsi haqqında və s. məlumatları nəzərdən keçirmək mümkündür.

ZƏNG GÖZLƏMƏ

Zənglər növbəsinin idarə olunması funksiyası çağrı mərkəzinin işini maksimum sadələşdirir. Bu moduluvasitəsi ilə: • zəngləri vaciblik səviyyəsinə görə növbələşdirmək; • növbə gözləyən müştərinin sıra nömrəsini operatora səsləndirmək; • xəttdə olan abonentlər üçün reklamın və ya faydalı məlumatların dinlənilməsi funksiyasını sazlaya; • əks əlaqənin gözlənilməsi qaydası haqqında məlumat verə bilərsiniz. Beləliklə, ProCALL sayəsində Siz, oepratora bağlanmasını gözləyərək saniyələri sayan müştərilərin mənfi reaksiyasını yumşalda bilərsiniz.

ZƏNG YÜKÜNÜN BÖLÜŞDÜRÜLMƏSİ

Bu modulun sayəsində çağrı mərkəzi üçün soft zəng yükünü əməkdaşlar arasında bərabər səviyyədə paylaşdırır. Zənglərin ilk növbədə kimə yönləndirilməsini Siz özünüz müəyyən edirsiniz. ProCALL, öz hesabında ən az sayda zəng olan, zənglərin qəbuluna və məsləhətləşmələrə az vaxt sərf edən operatorla, telefon danışıqlarının həm sayına, həm də müddətinə görə sonuncu yeri tutan operator arasında seçim etməyə imkan verir. Həmçinin, digər sazlama variantları da mövcuddur.

ADMİNİSTRATORUNUN MODULU

ProCALL administratorunun modulu telefoniyanın idarə olunmasını həyata keçirməyə və operatorların işinə tam surətdə nəzarət etməyə imkan yaradır. ProCALL Administrator module çərçivəsində Siz: • qoşmaların kateqoriyalarını əlavə edə, dəyişə və ləğv edə; • operatorların statuslarını və öhdəliklərini müəyyən edə (məsələn, bəzilərini daxil olan zənglərin qəbuluna təhkim edə, digərlərinə isə abonentlərə fəal surətdə zənglər etməyi tapşıra); • yazıları, səsli arxiv fayllarını dinləyə; • qeyri-iş günlərini və saatlarını təyin etməklə iş qrafikini tənzimləyə; • Qara siyahı (Black list) tutaraq oraya telefon nömrələri daxil edə bilərsiniz.

RƏHBƏR MODULU

ProCALL rəhbərinin modulu çərçivəsində çağrı mərkəzinin işinin təşkili, ilk növbədə, operatorların işinə onlayn qaydada nəzarət edilməsini nəzərdə tutur. Supervizor ProCALL ilə işləyərkən: • onlayn-treninqlər keçirə; • fleş-panel imkanlarından istifadə etməklə operator xidmətinin işini tənzimləyə; • telefon kanallarının yüklənməsinə nəzarət edə; • abonentlərə zəng vuran və daxil olan zəngləri qəbul edən hər bir operatorun yüklənmə səviyyəsini müəyyən edə; • onlayn dəstəyi həyata keçirə, çağrı mərkəzinin əməkdaşlarına kömək edə bilər (məlumatların açıqlanması, cari rejimdə təqdim olunması).

OPERATOR MODULU

Çağrı mərkəzinin operatorları üçün proqram daxil olan və edilən zənglərlə aparılan işləri effektiv surətdə təşkil etmək imkanı verir. Buraya aşağıdakı imkanlar da daxildir: • zənglərin cavablandırılması və proqram telefonundan (soft phone) istifadə etməklə onların uçotunun aparılması; • şəxsi işçi statusunun idarə olunması («offline», «online», «məşğul» və s. işarələrin qoyulması); • eyni zamanda bir neçə zəngin emal edilməsi; • zəngin daxil olduğu zaman öz monitoruna zəng haqqında məlumatın alınması (hətta digər açıq proqramlarda); • daxili çatdan istifadə edilməsi.

MƏQSƏDLƏR

ProCALL çağrı mərkəzi proqramının hazırki modulu çərçivəsində Siz cinsi mənsubiyyət, yaşayış yeri (şəhər, vilayət), fəaliyyət növü (peşə sahəsi), əməkhaqqı, kreditlərin məbləği və sayı, maksimal kredit xətti və s. əsasında axtarış həyata keçirə və sonradan abonentləri operatorlar arasında paylaşdıraraq müəyyən gün, həftə və ay üzrə məqsədlər təyin edə bilərsiniz. Həmçinin, yuxarıda göstərilən meyarlar üzrə müxtəlif kombinasiyalarda abonentlərin seçilməsi və avtomatik rejimdə onların operatorlar arasında paylaşdırılması da mümkündür. Məsələn, Binəqədidə yaşayan və 1 manat məbləğində kredit borcu olan qadın, Sumqayıtda yaşayan və təxminən 500-600 manat məbləğində əməkhaqqı alan kişi və s.

ARXİVLƏŞDİRMƏ

Səsli arxivlər yaratmağa imkan verən proqram çağrı mərkəzi üçün son dərəcə faydalı qoşmadır. ProCALL ilə Sizin daxil olan və edilən zəngləri arxivləşdirmək imkanlarınız qeyri-məhdud olur. Əlavə funksiyalar aşağıdakılardır: • faylların kompakt saxlanması üçün sıxılması; • arxiv qeydlərinin ixracı; • verilmiş meyarlar üzrə audioyazıların rahat axtarışı və onların dinlənilməsi.

MƏLUMATLAR MODULU

ProCALL sistemi vasitəsi ilə, abonentlərə effektiv xidmət göstərilməsi üçün unikal alətlər dəstinə malik çağrı mərkəzi yaratmaq mümkündür. ProCALL sayəsində Siz bilavasitə operator panelindən SMS göndərişi funksiyasının köməyi ilə cari və gələcək hadisələr haqqında müştəriləri, tərəfdaşları və əməkdaşları məlumatlandırmaq imkanı əldə edirsiniz. Kütləvi SMS göndərişləri, mövcud mətn provayderinə inteqrasiya, eləcə də CRM və ERP sistemlərinə inteqrasiya etmək mümkündür. Müəssisənin bazasından əldə olunmuş məlumatlar əsasında personifikasiya olunmuş (şəxsi) SMS məlumatlarının göndərişlərini sazlamaq mümkündür.

İNTEQRASİYA MODULU

ProCALL çağrı mərkəzinin avadanlıqlarının Sizin müəssisənizin məlumatlar bazasına tam və ya qismən inteqrasiyası (MYSQL, MS SQL, XML və digər formatlarla uyğunlaşdırılması) üçün imkan yaradır. Zəng vuran abonent haqqında məlumatlar məlumat bazasından götürülərək avtomatik surətdə operator panelində əks olunur. Standart məlumatlardan (ad, soyad, cinsi mənsubiyyət, olduğu yer) əlavə, borcların, depozitlərin, aktiv və passiv kreditlərin olub-olmaması, eləcə də həmin borcların və kreditlərin ödənişinin gecikdirilib-gecikdirilməməsi haqqında məlumatlar verilir.

ProCALL HESABATLAR MODULU

ProCALL hesabatlar modulu aşağıdakıları görməyə imkan verir: • daxil olan zənglərin ümumi sayını; • cavablandırılmış və cavablandırılmamış zənglərin sayını; • ünvanlanmış zənglərin sayını. Bu modul sayəsində Siz operatorların işi: onların işə gəlməsi və işdən getməsi, nahar və digər qısa fasilələri, müəyyən fasilədən sonra təkrarən zəng vurulması və zənglərin qəbulunun bərpası ilə əlaqədar məlumatlar əldə edə bilərsiniz (proqram zəngin müddətini və vaxt çərçivələrini göstərir). ProCALL müraciətlərin sayı, menyu bəndlərindən heç birini seçməmiş müştərilərin zənglərinin sayı, zəngdən sonra məlumatların emalına sərf olunan vaxt və s. haqqında hesabatlar tərtib edir. Excel, Word proqramlarında hesabatların göndərilməsi mümkündür.

AVTOMATİK MƏLUMATLANDIRMA MODUL

ProСALL Marketing modulU olmadan, çağrı mərkəzinin işi və təşkili 100%-lik effektivliyə malik olmayacaq. ProCALL sisteminin bu modulu sayəsində Sizin abonentləriniz avtomatik zənglər qəbul edərək aylıq borc ödənişi məbləği və borcun ödənilməli olduğu vaxt haqqında məlumatlandırılacaq, eləcə də mövcud borcun ödənişinin gecikdirilməsi barədə xəbərdar olacaq. Bu alətdən istifadə etməklə Siz abonentlərin yeni kampaniyalar, xidmətlər, Sizin telefon nömrənizin və ya ünvanınızın dəyişilməsi, yeni filialların açılması və s. haqqında məlumatlandırılması funksiyasını asanlıqla sazlayacaqsınız. ProСALL sistemindən edilən avtomatik zənglərin köməyi ilə Siz xidmətlər, aksiyalar, kampaniyalar haqqında sorğu keçirə və abonentlərin bu sahədə məlumatlanma səviyyəsini müəyyən edə bilərsiniz.